பவர் ஸ்டாரை கழற்றிவிட்ட சந்தானம், கூட்டணி
by admin
TamilSpyToday,
'கண்ணா லட்டு தின்ன ஆசையா' படத்திற்கு பிறகு அந்த படத்தில் நடித்த சந்தானம், சேது, விஷாகா ஆகிய மூவரும் மீண்டும் ஒரு படத்தில் இணைந்து நடிக்கின்றனர்.
இந்த படத்திற்கு 'வாலிப ராஜா' என்று பெயர் வைத்திருக்கின்றனர். இப்படத்தில் சந்தானம் மனநல மருத்துவராகவும், சேது டிசைனராகவும், விஷாகா மனநல மருத்துவம் படிக்கும் மாணவியாகவும் வருகிறார்.
மேலும் இப்படத்தில் பாலிவுட் நடிகை நுஸ்ரத் என்பவரும் தமிழ் சினிமாவுக்கு அறிமுகமாகிறார்.
இந்த படத்திற்கு கதை, திரைக்கதை, வசனம் எழுதி இயக்குகிறார் சாய் கோகுல் ராம்நாத். இவர் கே.வி.ஆனந்திடம் உதவியாளராக இருந்தவர்.
சென்னை, பாண்டிச்சேரியில் இதுவரை 26 நாட்கள் படமாக்கியுள்ளனர்.
இன்னும் மதுரை, குற்றாலம் ஆகிய இடங்களுக்கும் சென்று மீதி படத்தை எடுக்க திட்டமிட்டுள்ளனர்.
'கண்ணா லட்டு தின்ன ஆசையா' பட கூட்டணி என்று சொன்னாலும், அந்த படத்தில் நடித்த பவர் ஸ்டார் சீனிவாசன் இந்த படத்தில் நடிக்கவில்லை.
'கண்ணா லட்டு தின்ன ஆசையா' படத்தின் வெற்றிக்கு பவர் ஸ்டார் சீனிவாசனும் ஒரு காரணமாக இருந்தவர். அதன்பிறகு, பல்வேறு வழக்குகளில் சிக்கி சிறை சென்றதால், இந்த படத்தில் இருந்து அவர் கழற்றி விடப்பட்டுள்ளதாக கூறப்படுகிறது.
Show commentsOpen link
No comments:
Post a Comment